Leikir

Úr Wikipedia, frjálsu alfræðiorðabókinni

Það sem seinlegast hefur gengið að fá ásættanlegt í nútíma GNU/Linux kerfi er leikjastuðningur. Leikjafyrirtæki halda því fram að helsta ástæða þessa sé lág markaðshlutdeild Linux notenda. Auk þess stangast markaðshugmyndafræði leikjafyrirtækja stórlega á við hugmyndafræði GPL þar sem hlutir eru opnir og ókeypis. Ástandið hefur þó lagast mikið undanfarin misseri, m.a. af eftirfarandi ástæðum:

• Ýmsir leikir beinlínis verið gefnir út með Linux stuðningi. Má þar nefna marga af leikjum id software (http://www.idsoftware.com/), sjá nánar lista hér á eftir.
• Windows leikir hafa verið færðir yfir á Linux-kerfi af þriðja aðila (svonefndum porting houses), t.d. Loki Software (http://www.lokigames.com/) (sem þó hætti formlega störfum 2002), Hyperion Entertainment (http://www.hyperion-software.biz/) og fleirum.
• Það verður sífellt stöðugra og hraðara að herma (emulate) Windows umhverfi leikjanna með hugbúnaði eins og WINE (http://winehq.org) eða Cedega (http://www.transgaming.com/products_linux.php) (áður WineX), þannig að þegar leikurinn keyrir er Windows-kerfisköllum sjálfkrafa varpað í samsvarandi kerfisköll í Linux kerfinu svo sama virkni næst fram (bara hægar).
• Fjöldi opinna leikja (frjáls hugbúnaðar) hefur aldrei verið meiri. Sem dæmi um fræga, opna leiki er Stratagus (http://stratagus.sourceforge.net) (áður FreeCraft, byggt á Blizzard *craft leikjunum) og Freeciv (http://www.freeciv.org) (byggður á Sid Meier's Civilization).

Ýmsir leikir sem keyra undir Linux

• Mjög ítarlegan og vel uppfærðan lista er að finna á Linux Gamers' Game List (http://icculus.org/lgfaq/).
• Doom III (http://zerowing.idsoftware.com/linux/doom/) er með Linux stuðning.
• Quake 4 (http://zerowing.idsoftware.com/linux/quake4/) er með Linux stuðning.
• Wolfenstein: Enemy Territory (http://zerowing.idsoftware.com/linux/et/) er multiplayer hluti Return to Castle Wolfenstein (http://zerowing.idsoftware.com/linux/wolf/) sem Activision (http://www.activision.com/) ákvað að gefa út ókeypis. Þessi leikur hefur virkað mjög vel á Linux, og þar sem kóðinn var jafnframt gefinn út hefur hann verið í stöðugri þróun eins og má sjá á viðbætum eins og etpub (http://www.etpub.org/). Leikinn sjálfan má nálgast á Wolfenstein síðu Activision (http://games.activision.org/games/wolfestein/).