Dreifingar
Úr Wikipedia, frjálsu alfræðiorðabókinni
GNU/Linux Dreifingar
Það er algengur misskilningur að hugtakið "Linux" feli í sér ákveðið viðmót og hugbúnað, þ.e.a.s. dreifingu. Hið rétta er að uppsett GNU/Linux stýrikerfi er sammengi Linux kjarna (Linux kernel) og notendaforrita, að stórum hluta til þeirra sem koma frá GNU verkefninu. Til að auðvelda uppsetningu er kjarnanum og tilteknu safni forrita dreift saman í svonefndum dreifingum. Þær eru eins mismunandi eins og þær eru margar, og koma í öllum stærðum og gerðum. Hægt er að fá dreifingar ýmist á geisladiskum, vefsíðum, FTP þjónum og jafnvel diskettum.
Algengar dreifingar
Hér er tæmandi listi yfir algengar GNU/Linux dreifingar.
- Debian GNU/Linux: Debian býður upp á stórt pakkakerfi, og hefur þá stefnu að nota aðeins forrit með opin leyfi.
- Fedora Core: Algeng dreifing á Íslandi, og reynir að bjóða upp á sem stærst safn forrita fyrir skrifstofur og heimanotendur. Er afkomandi Red Hat dreifingarinnar.
- Gentoo: Dreifing ætluð þeim sem vilja hafa sérþýddan kóða (eykur hraða lítillega) en jafnframt vera notendavænt. Pakkakerfið sem það notar (Portage) sérþýðir allan kóða fyrir kerfið.
- Red Hat Enterprise Linux: Stór dreifing, en síðasta útgáfa kom út árið 2003. Á þeim tíma var Red Hat dreifingunni skipt upp í Fedora og Red Hat Enterprise Linux. Hægt er að fá svonefndar RHCE (Red Hat Certified Engineer) gráður hjá Red Hat.
- Slackware: Elsta Linux dreifingin og enn í notkun hjá þeim sem vilja helst bara hafa skel. Þangað til nýlega þýða notendur forritin sem þeir vilja hafa sjálfir.
- SUSE Linux Enterprise Server: Hugmyndafræðin er lík og hjá Fedoru, reynir að bjóða upp á sem stærst safn forrita fyrir skrifstofur og heimanotendur. Novell keypti SuSE árið 2003.
- Ubuntu Linux: Afkomandi Debian, með áherslu á notendur frekar en netþjóna, og örari útgáfur en debian.[1] (http://www.ubuntu.com/community/ubuntustory)
Lengri lista má finna á [2] (http://en.wikipedia.org/wiki/List_of_Linux_distributions).
Hver er munurinn?
Forðist að spyrja leikmenn um GNU/Linux dreifingar. Undantekningarlítið munu þeir mæla með þeirri dreifingu sem þeir eru að nota í augnablikinu og reyna að sannfæra þig um ágæti hennar með hlutdrægum rökum. Best er að reyna að telja upp hvað þú munir vilja gera við kerfið sem þú ætlar að setja upp.
- Ætlarðu að nota gluggamiðlara?
- Viltu að gluggamiðlarinn sé mjög notendavænn, eða viltu að hann sé nettur en hraður?
- Ætlarðu að keyra skrifstofuhugbúnað, svo sem ritvinnslu?
- Ætlarðu að spila leiki?
- Langar þig að setja upp þjóna, svo sem vefþjón eða skráarmiðlara (t.d. FTP eða BitTorrent)?
- Viltu þýða forritin sjálf(ur), nota pakkakerfi eða hafa möguleikann á báðu?
- Er þér annt um öryggi þess?
![[Forsíða]](/wiki/stylesheets/images/wiki.png)