[Date Prev][Date Next][Thread Prev][Thread Next][Date Index][Thread Index]

Re: Ubuntu hefur þroskast með 9.10

Þann lau 27.feb 2010 01:43, skrifaði Ólafur Garðarsson: 
Mér áskotnaðist innsetningardiskur með Linux tímariti fyrir nokkrum
mánuðum en hafði ekki notað hann í neitt nema virtual tilraunir á
Makkanum mínum. Á honum voru minnst tvö stýrikerfi þ.e. Mandriva og
Ubuntu sem kom reyndar í tveimur bragðtegundum þ.e. KDE og Gnome saman
(maður getur haft bæði inni og valið hvort maður ræsir upp).

Mæli alveg með því að þú skoðir Mandriva ef þú lendir í því að þurfa að setja upp Linux í fyrirtækjaumhverfi, KDE útgáfan er ágætt millistig fyrir fólk sem er að skipta úr Win og er ekki tilbúið að taka allt skrefið í einu. Auk þess sýnist mér vélbúnaðarstuðningurinn í Mandriva vera skrefinu á undan mörgum öðrum dreifingum. Allavega hefur mér gefist vel að kynna Linux fyrir óvönum með Mandriva (og reyndar LinuxMint líka). Ekki það að Ubuntu virkar alveg (ef maður setur aðeins upp hlutina fyrirfram) en þú kemst aldrei hjá aðalspurningunni; "Af hverju er það brúnt?" :-)

Eitt sem ég vil benda mönnum á í lokin er að mér til happs hafði ég sett
heimasvæðin /home á sér disksneið (partition). Þetta kom sér vel núna
því allar persónustillingar og gögn voru tilbúin til notkunar strax
eftir uppsetningu nýs stýrikerfis. Get ekki annað enn mælt með þessari
einföldu reglu við uppsetningu einkatölvu.

Sammála, hef alltaf öll vinnugögn (skjöl, myndir og annað slíkt, jafnvel mysql-rótina) á sér disksneið (og sér diski þar sem því er við komið) sem ég tengi inn í /mnt/gogn og deili síðan með NFS eða SMB (oftast eru fleiri en einn notandi á mínum vélum). Breyti síðan sjálfgefnu Vinnugögn/Documents möppunum í að nota þetta.

Það hefur verið rætt um að gera þetta að ábendingu eða sjálfgefnu í uppsetningarferli Ubuntu, veit ekki hvar málið er statt núna. Af öllum skrilljón síðum sem til eru um málið er þessi kannski líklegust: <http://brainstorm.ubuntu.com/idea/5390/>. Annars er þetta meira Debian mál; ubuntu notar debian-installer.

Svo er ég yfirleitt alltaf með aðra disksneið /mnt/sameiginlegt þar sem ég set inn prófíla Firefox, Thunderbird og fleira slíkt, laga síðan til profiles.ini skrárnar í öllum þeim dreifingum (og Wintendo) sem ég er að nota þannig að ég fæ alltaf sömu bókamerkin, nafnaskrár og sóttan póst.
Sá hængur er á að þessi uppsetning virkar best ef notað er FAT32 skráakerfi því sökum leti hef ég aldrei náð að halda utan um allar þær aðgangsheimildir sem þarf til að hægt sé að nota ext3 eða eitthvað slíkt.
En þetta svínvirkar með FAT32 svo framarlega að maður blandi ekki mikið saman aðalútgáfum forrita, t.d. FF-2.x og FF-3.x, hinsvegar virka saman FF-3.5 og FF-3.6.

Myndi náttúrulega aldrei nota svona uppsetningu á neitt nema vinnutölvu til heimilisnotkunar þar sem fleiri en einn þurfa að komast að (allir geyma myndir o.þ.h. í sameiginlegum möppum). Einn auka kostur er þegar maður er með lítinn hraðvirkan "Raptor" disk undir stýrikerfin og gígastóran geymslugám undir allt dótið - að þá er verið að lesa jafnhliða af diskunum; tölvan verður aðeins sprækari.

Niðurstaða mín er að Ubuntu 9.10 er orðið skrambi gott stýrikerfi verð
ég að segja.

Það voru smávegis vandamál fyrst eftir að 9.10 kom út en lagaðist tiltölulega fljótt. Það styttist óðfluga í 10.4...

Kveðja,

Óli

Bkv,
Sveinn í Felli