Ubuntu hefur þroskast með 9.10

[Ólafur Garðarsson <oli ( at ) ikon ( dot ) is>]

Mér áskotnaðist innsetningardiskur með Linux tímariti fyrir nokkrum 
mánuðum en hafði ekki notað hann í neitt nema virtual tilraunir á 
Makkanum mínum. Á honum voru minnst tvö stýrikerfi þ.e. Mandriva og 
Ubuntu sem kom reyndar í tveimur bragðtegundum þ.e. KDE og Gnome saman 
(maður getur haft bæði inni og valið hvort maður ræsir upp). Ég rústaði 
síðan ferðatölvu hjá mér með óábyrgri uppfærslu á stýrikerfinu (hún varð 
rafmangslaus í miðju kafi) og notaði þá tækifærið til að byggja hana upp 
aftur með þessum ágæta dvd disk.

Eftir innsetningu (Ubuntu 9.04) uppfærði ég vélina í Ubuntu 9.10. Ég tók 
strax eftir að ýmislegt sem virkaði ekki vel áður var farið að virka 
rétt. Internetið var hraðara og þráðlausa netið var margfallt fljótara 
að tengja sig. Prófaði svo að tengja aukaskjá við hana og nú virkaði 
allt eins og það átti að gera  þ.e. aukaskjárinn var stillanlegur sem 
hliðarskjár með eigin upplausn o.s.frv. (var alltaf til vandræða á 
8.10). Einnig var hægt að setja skjáinn upp á rönd og láta vélina snúa 
myndinni um 90 gráður. Þetta virkaði aldrei á Makkanum mínum.

Nú hef ég verið að prófa eitt og annað síðustu daga og verð að segja að 
framfarirnar eru töluverðar. Svo miklar að ég er búinn að ryðja Makkanum 
af vinnuborðinu heima og lít varla við honum lengur. Væri til í að selja 
hann ef ég þyrfti ekki að nota hann í hugbúnaðarprófanir.

Eitt sem ég vil benda mönnum á í lokin er að mér til happs hafði ég sett 
heimasvæðin /home á sér disksneið (partition).  Þetta kom sér vel núna 
því allar persónustillingar og gögn voru tilbúin til notkunar strax 
eftir uppsetningu nýs stýrikerfis. Get ekki annað enn mælt með þessari 
einföldu reglu við uppsetningu einkatölvu.

Niðurstaða mín er að Ubuntu 9.10 er orðið skrambi gott stýrikerfi verð 
ég að segja.

Kveðja,

Óli