Re: [Fsfi] OpenStreetMap breytingar á Íslandi síðasta árið

[Einar Bergmundur <eberg ( at ) this ( dot ) is>]

Blessaður Hlynur og aðrir

Þetta er góð samantekt hjá þér. Og ekki ólíklegt að lög og reglur stangist janfvel á í þessum efnum. En þá ber náttúrulega að fara að þeim sem teljast grundvallaratriði.

Það er líka himinn og haf á milli þess sem þarf í kort eins og OSM eða önnur álíka "glöggvunarkort". Verkfræðistofur og orkufyrirtækin eiga náttúrulega eigin, nákvæmar mælingar af sínum verkefnum. Lögnun og línum og hver veit ekki hvað. En það er ekki það sem vantar. 

Strandlína, vötn, ár, vegir, hæðarlínur ( 2 - 10 metra nákvæmni) í 1:50.000 eða 1:100.000 er eitthvað sem við gætum sæst á.

Fyrir um tveimur árum kannaði ég kostnað við að fá 1:50.000 gögnin fyrir landið og þéttbýli. Það var komið uppí hátt á þriðju miljón á ári þó það væri ekki til endursölu.

Það var þá grunnur með miðlínun vega og gatna, útlínum húsa og náttúrulega heiti á öllu og húsnúmer.

Fyrir okkar verkefni var hagkvæmara að finna staðsetningar heimilsfanga eftir öðrum leiðum og skrá í eigin grunn. 

Eins Bakkabræðarlegt og það nú hljómar á 21. öld að margvinna rafrænar upplýsingar.

Þessi gögn. Þ.e. hús, götur, vegir, vatn og strönd ættu að vera aðgegnileg til verkefna eins og OSM og GreenMap þar sem ekki er um að ræða selda þjónustu heldur mun frekar þegnskyldu. Það gegnir öðru með kort sem selja skráningar.

Nemendur í kortagerð við háskólana verða meira að segja að gráta út gögn sem takmarkast þá alveg við verkefnin.

Markmiðið hlýtu að vera að 1:50.000 gögnin verði látin frjáls með götum, húsum, nöfnum og númerum á OSM, jafnvel á Google, þó ekki væri nema til þess að hægt sé að veita sæmilega þjónustu við ferðaiðnaðinn og aðra sem þurfa á þessum upplýsingum að halda.

bestu kveðjur

Einar Bergmundur

8925657

On 8.12.2009, at 01:10, Hlynur Helgason wrote:

Sælir,

Þetta er skemmtileg umræða og nytsamleg. Hér hef ég skoðað þau lög sem helst að málinu snúa.

Í fyrsta lagi er ríkið eigandi allra réttinda og getur þar af leiðandi veitt aðgang eftir því sem því sýnist (a.m.k. ef það er ekki í hagnaðarskyni).

Í öðru lagi eiga Landmælingar að miðla upplýsingum. Þar sem ríkið á flestöll gögnin er enginn 'lögverndaður þriðji aðili' til að brjóta á í flestum tilfellum, sér í lagi ef þau eru eldri en 15 ára (sjá neðar).

Á þessum forsendum ættum við að biðja um að öll almenn gögn Landmælinga sem til er stofnað með skatttekjum verði dreift á frjálsan hátt, enda ekki um hagnað að ræða (en höfundarlög eru full af athugasemdum um hagnaðarskyn!)

Til bráðabrigða er síðan 50. grein höfundarlaga (nr. 73/1972). Skv. henni eru gögn Landmælinga ekki varin nema í 15 ár eftir að verkið var til. Okkur er því frjálst að nýta okkur öll gögn, kort og kortagrunna sem eru gefnir út fyrir 1995. Er ekki ráð að finna slík gögn, vinna þau og senda þau inn í OSM. Eða þá að biðja um gagnasafnið eins og það var 1995. Það er alls ekkert sem bannar Landmælingum að veita okkur það, og þeir mega ekki semja það frá sér því þeir mega ekki semja frá sér rétt sem þeir eiga ekki! Það væri þá hægt að frelsa þessi atriði og bæta síðan þá þætti sem eru nýrri. Þetta þýddi t.d. að hæðarlínukerfið, vatnamerkingar, strandlínur og slíkt yrði í fullkomnu lagi og upplausn.

En siðferðilega ættu Landmælingar, eins og sambærilegar stofnanir á byggðu bóli, að leggja inn nýjustu gögn, sér í lagi þar sem það er klárlega leyfilegt 'ef það er ekki í hagnaðarskyni'.

5. gr.

Höfundaréttur.
Ríkið er eigandi að öllum réttindum sem Landmælingar Íslands hafa öðlast.
Stofnunin gætir hagsmuna ríkisins á sviði höfunda- og afnotaréttar á öllu því efni sem hún
hefur eignast, unnið eða gefið út í sambandi við mælingar, kort eða myndir af Íslandi. Um
höfundarétt gilda að öðru leyti höfundalög, nr. 73/1972, með síðari breytingum.

6. gr.
Miðlun upplýsinga og afnotaréttur.
Landmælingar Íslands miðla upplýsingum og veita aðgang að gögnum sem eru í vörslu
stofnunarinnar við gildistöku laga þessara auk þeirra gagna sem falla undir 2., 4. og 6. tölul. 4.
gr., enda brjóti afhending þeirra ekki gegn lögvernduðum rétti þriðja aðila. Ef um er að ræða
frumgögn sem eiga uppruna utan stofnunar skal samið um frekari dreifingu við upprunaaðila.
Heimilt er að veita afnotarétt af öllum upplýsingum á sviði landmælinga og kortagerðar
sem getið er í 1. mgr. og eru í vörslu Landmælinga Íslands að því tilskildu að uppruna sé getið
og að áreiðanleiki upplýsinga sé tryggður.

Hér er síðan lykilgrein um þetta úr höfundarlögum.

50. gr. [Sá sem framleiðir skrár, töflur, eyðublöð, gagnagrunn eða svipuð verk sem hafa að geyma umtalsvert safn upplýsinga eða eru árangur verulegrar fjárfestingar hefur einkarétt til eintakagerðar eða birtingar verks í heild eða að verulegum hluta. Endurtekinn og kerfisbundinn útdráttur og/eða endurnýting óverulegs hluta af gagnagrunni er óheimil ef þær aðgerðir stríða gegn venjulegri nýtingu hans eða ganga með óeðlilegum hætti gegn réttmætum hagsmunum framleiðenda gagnagrunnsins.
Einkaréttur til þeirrar sérstöku verndar sem kveðið er á um í grein þessari helst í 15 ár frá næstu áramótum eftir að verkið varð til. Ef verkið er birt innan greinds verndartímabils skal verndin þó haldast í 15 ár frá næstu áramótum eftir að gagnagrunnurinn telst birtur almenningi.

Kveðja, Hlynur Helgason

On 8.12.2009, at 00:20, Einar Bergmundur wrote:

Blessaður Ævar og aðrir

On 7.12.2009, at 22:14, Ævar Arnfjörð Bjarmason wrote:

2009/12/6 Einar Bergmundur <eberg ( at ) this ( dot ) is>:

Mig langar að reka nefið aðeins í þessa umræðu um kortin.

Við hjá Náttúrunni höfum verið að staðsetja þjónustu, menningu,

náttúruperlun og margt annað skv. GreenMap Systems

merkjakerfinu. http://www.greenmap.org/

Kortakerfið sem við notum til að birta gögn á er ókeypist AjaxAPI frá Navteq

http://www.nn4d.com/site/global/build/manuals/ajaxapiintroduction.jsp

sem er ágætt til síns brúks, það er hægt að leggja eigin gögn ofaná það sem

punkta, slóðir eða polygona.

http://www.natturan.is/greenmap/

Þetta er áhugavert verkefni hjá ykkur, ert þú með réttindi á þessum
gögnum þannig að þú getur lagt þau til OSM? Sumt af þessu t.d.
vitarnir myndi ég halda að kæmi annarstaðar frá.

Flest hnit höfum við handmerk inn eftir einhversskonar nálgun. 

Sumt styðst við Map24, annað Já.is og sumt er bara eftir minni eða nánari athugun.

Við höfum átt í mjög góðu samstarfi við sveitarfélög vegna endurvinnskuortsins okkar og það mál er enn í farvegi.

Þau hnit koma frá sveitarfélögum og okkur sjálfum. Það greiðir enginn fyrir þau beint en Sopa hefur auglýst hjá okkur til stuðnings og vísar á vefinn til upplýsinga um staðsetningu sinnar þjónustu. Enda óþarfi að margvinn verkið :-)

Ég þarf að tala við GreenMap Systems og sjá hvort þau vilja ekki taka OSM inn í sitt starf.

Þau eru að nota Google en það ætti ekki að vera neitt þvi til fyrirstöðu að styðja hvorttveggja.  

Það eru mörg viðlíka kort sem eru að nota OSM sem bakenda, t.d. þessi:

   http://www.openstreetbrowser.org/
   http://www.lenz-online.de/cgi-bin/osm/osmpoinit.pl/

Það gæti verið gaman að kalla saman óformlegt málþing um þessi kortamál. Nú

eða formlegt.

Ég er viss um að HÍ og LMÍ mundu vilja senda fulltrúa. Ég veit að það er

óánægja með ástandið hjá LMÍ en þeim eru flestar bjargir bannaðar vegna

einokununnar verkfræðistofanna.

Það er verðugt verkefni já, en hvað hið opinbera varðar þarf að leysa
þessi mál á ráðuneytisstiginu eða ofar eins og FSFÍ hefur verið að
vinna í.

Við töluðum við LMÍ í febrúar á þessu ári og niðurstaðan var að þeim
fannst þetta sjálfum mjög sniðugt en hendur þeirra eru bundnar eins og
þú bendir á. Mér fannst áhugavert að aðeins 3% af tekjum þeirra koma
frá gagnasölu sem er nú alls ekki óyfirstíganlegur þröskuldur fyrir
ekki stærri stofnun en þetta (þeir eru með um 40 starfsmenn).

Já. Magnús er jákvæður og hans fólk allt. En þau eru bundin. Ef til vill gæti fengist leyfi eða skipun frá Umhverfisráðuneytinu um að leggja til í OSM.

Ég skal prófa að kanna það mál næst þegar ég fer þangað. Þessi mál eru til skammar hér á landi og eftir margra ára tuð um open source er loks farið að skoða það gagnvart skólum. Ég hef alltaf verið eins og Kató gamli þegar ég hef mætt á fundir í því ráðuneyti: "Og svo legg ég til að MS verði fasað út fyrir opinn og frjálsan hugbúnað"

Það verður að vinna þessari hugmyndafræði brautargengi á öllum sviðum. Ekki síst í kortamálum.

Hver situr á sínu og vill toppa næsta í stað þess að vinna saman og leggja gögn í púkk. 

Það er jú á endanum notandinn sems skiptir öllu mái og hann á ekki að þurfa að fara út um allar trissur til að leita gagna.

og hana nú :-)

Það gæti verið leið að GreenMap (Það er lektor í HÍ sem er formlegur fulltrúi GM hér á landi og vinnur með okkur) systems og OMS hér á landi tækju sig saman ásamt LMÍ og Jafnvel ferðaþjónustunni og við héldum smá session t.d. í norræna húsinu eða við gætu fengið inni hjá HÍ og aðilar kynntu sín verkefni og sjónarmið. Bæru saman bækur sínar og fyndu jákvæða snertifleti þar sem samlegð nýttist öllum.

bestu kveðjur

Einar Bergmundur

8925657

--
This message has been scanned for viruses and
dangerous content by MailScanner, and is
believed to be clean.

<ATT00001.txt>

_______________________________________________
Fsfi mailing list
Fsfi ( at ) fsfi ( dot ) is
http://postlists.1984.is/cgi-bin/mailman/listinfo/fsfi