Ráðstefna um forritun og listir

[Pall Thayer <palli ( at ) pallit ( dot ) lhi ( dot ) is>]

Fimmtudaginn, 6. nóv. Hefst ráðstefnan Pikslaverk (http:// 
www.pikslaverk.org). Ráðstefnan mun skoða þá nýbreytni listamanna að  
notast við tölvur og forritun í listsköpun sinni frá ýmsum hliðum.  
Margir þeirra listamanna sem fást við tölvuforritun notast við opin  
og frjáls tól. Það er meira að segja til sérstök Debian dreyfing  
(dyne:bolic - http://dynebolic.org/) sem ætluð er listamönnum. Einnig  
má nefna forritunarumhverfi á borð við Pure Data (BSD leyfi),  
Processing (GPL og LGPL leyfi) og SuperCollider (GPL leyfi).

Fæstir þeirra listamanna sem fást við þessa sköpun hafa nokkra  
formlega menntun í forritun. Í stað þess hafa þeir gríðarlegan áhuga  
og vilja til að afla sér upplýsinga og þekkingar hvar sem hana er að  
finna. Útkoman verður því oft öfugsnúin og allt annað en það sem fólk  
ímyndar sér þegar það hugsar um forritun.

Setning ráðstefnunar verður Fimmtudag, 6. nóv. kl. 20 í hafnarhúsinu.  
Aðgangur er ókeypis og öllum er frjálst að mæta. Það verður boðið upp  
á léttar drykjar-veitingar. Svo stendur ráðstefnan yfir til  
sunnudags. Á föstudag verða mjög áhugaverðir fyrirlestrar og  
performance með Amy Alexander, Bandarísk listakona og prófessor við  
UCSD háskólann í Kaliforníu (hún er þekkt nafn í þessum geira) og svo  
bara heldur þetta áfram...

Ég hvet sem flesta til að mæta og kynna sér "hina hliðina" á málinu.

Vefur ráðstefnunar er á http://www.pikslaverk.org og dagskráin er á  
http://www.pikslaverk.org/program.pdf

Látið fleiri vita.

--
Pall Thayer
palli ( at ) pallit ( dot ) lhi ( dot ) is
http://www.this.is/pallit